मायबोली !

माझी लाडकी, माझी लाडकी, माझी लाडकी, मायबोली ,
जात-धर्म, भाषा-पंथ पुसण्याशी आली.        ॥१॥  

पुणे-कोंकण, अमेरिका-लंडन, वा असो गोवा,
       देश-परदेशातील लोकाचा आहे हा दुवा          ॥२॥

गप्पागोष्टी, कट्टा, गजाली, व पार वरण्या गप्पा!!
    मला आवडती, सर्वात जास्त, निसर्गाच्या गप्पा. ||३||

किती माहिती, किती ज्ञान, किती फोटो पहा,
        माहिती देण्या, तत्पर इथे, दिनेशदा आहा.      ||४||

जागू, साधना, शांकली, योगेश, आणिक किती,
    देती सर्व, येथे येऊन, किती माहिती.             ||५||

अंताक्षरी, स्पर्धा, कोडी, असे मनोरंजन,
           चिंता, शंकांचे, चर्चेने त्वरित होई निवारण. ॥६॥

किती नाती, किती मैत्री, किती ते भांडण,
        सुख-दुखा:ची , नित्य येथे, देवाण-घेवाण  ॥७॥

प्रकाशचित्र, कविता-गझल, कथा-कादंबरी,
      सर्वाना हक्काचे, व्यासपीठ जणू घरी       ||८||

आता एक विनंती, माझ्या देवा,
                   हा नित्य असो, असाच ठेवा                   ||९||

अशी लाडकी, ही सर्वांची असे  मायबोली,  
        माझी लाडकी, माझी लाडकी, माझी लाडकी, मायबोली ||१०||

कवयित्री: सुलभा मुंडले

७ टिप्पण्या:

  1. छानच! मायबोलीची सगळी वैशिष्ट्ये आली आहेत कवितेत.

    उत्तर द्याहटवा
  2. व्वा .... ’मायबोली’ ची महती चांगली वर्णन केलेय.

    उत्तर द्याहटवा